🇨🇦 加拿大生活篇：交通小貼士
即將移民或去加拿大嘅朋友仔，Admin歸納咗以下幾個有關(安省、BC省)交通嘅小貼士俾大家知道！ 🚗🚲🚌
.
【1】駕車靠右行 🛣️
加拿大行車方向係靠右，對於岩岩到埗嘅香港人 /習慣靠左行嘅朋友可能要點時間適應。
.
【2】嚴格的交通規則 🚦
加拿大交通規則非常嚴格，尤其係限速、酒後駕駛以及車讓行人。記得喺行人過路處要停車讓行，否則違例會被罰款。
.
【3】冬天駕駛要小心 ❄️
加拿大冬天既漫長又寒冷，路面常常結冰或有積雪。如果計劃喺冬天駕駛，必需要配備雪胎同了解雪地駕駛技巧，安全最重要！
.
【4】公共交通系統方便 🚌🚋🚇
大城市如多倫多、溫哥華等有完善嘅地鐵巴士及輕軌系統 (TTC、SkyTrain)。大家可以下載當地嘅交通App，如Transit App ，喺加拿大多個城市，如：多倫多、溫哥華、蒙特利爾等 都可以使用。只要輸入起點和目的地地址，應用程式將提供最佳公共交通路線予你，包括巴士、地鐵、輕軌電車等嘅轉乘資訊，仲會顯示預計嘅行車時間同到站時間。TTC Watch專門提供TTC巴士及輕軌電車達實時GPS位置和最新嘅到達時間。Vancouver Transit (Live Times) 提供溫哥華地區公共交通信息，幫助使用者輕鬆地查到巴士及SkyTrain嘅實時到站時間。
.
✨Admin 慳錢小攻略，即將落地多倫多嘅大家，presto card (交通卡) 唔一定要花錢買，去指定公共圖書館登記就可以免費領取！✨
.
【5】高速公路：有分收費或免費 🛣️💲
加拿大有部分高速公路係收費的，例如多倫多嘅407號公路係自動收費（無需設置收費站，會根據車牌號直接寄賬單）。但大部分高速公路如401號公路等都係免費使用。駕駛前，可以用Google Maps查一下路線是否包含收費高速公路，方便規劃交通費用。
.
【6】鑽石標誌車道是甚麼？ 💎🚗
如果你喺高速公路上看到車道上有一個「鑽石標誌」（Diamond Marking），呢個係 HOV車道（High Occupancy Vehicle lane），專為載有2人或以上的車輛而設。設計是為咗鼓勵多人共乘車輛，減少交通擠塞及碳排放。如果你只有自己一個揸車並無載任何乘客，記得唔好誤入呢啲車道，否則會被罰款！
.
希望以上資訊可以幫助大家出發前做定功夫，到埗後快快適應新生活～ 🥳🚀
----------
Relocation.HK 24小時網上自動報價，收費透明，隨時隨地知道最新運費。按實際搬運體積收費， 執箱時唔洗就住就住，運幾多由你揀!!
📍 24小時自動報價：即時透明收費，按實際體積計費，隨時隨地知道最新運費，運多少由你決定！
立即查詢：https://relocation.hk/calculator
📞 電話查詢：2116 4009
📱 WhatsApp 查詢：9306 7581
#Relocation #移民搬運加拿大 #移民搬運英國 #移民搬運澳洲 #移民搬運新加坡 #移民搬屋 #門到門搬運 #上門包裝 #送到入屋 #國際船運 #全港首創移民搬運計數機 #5秒內全自動報價 #少量船運 #件裝 #卡板 #大木箱 #包櫃 #加拿大安家服務
Copyright © 2025 Relocation.HK
